တိတ်တိတ်ကလေး

တိတ်တိတ်ကလေး 

တစ်ခါတုန်းက ငှက်ကလေးဟာ 

လေယာဉ်ပျံကြီးနဲ့ အတူပျံသန်းခဲ့တယ်

ဘ၀ဆိုတာ ပျံသန်းခြင်းပဲလို့ 

ငှက်ကလေး ယုံတယ်

တစ်ကြိမ်တစ်ခါနားမိတဲ့ ဓာတ်ကြိုးလေးကတော့

ငှက်ကလေး ထပျံလိုက်တဲ့အခါ

ရင်တွေခုန်လိုက်တာဗျာလို့ ဆိုတယ်

ပျံသန်းခဲ့ပြီးမှ တောင်ပံတွေကို အပြစ်မပြောသင့်တဲ့အကြောင်း

ငှက်ကလေးကောင်းကောင်းသိတာပေါ့ 

ကောင်းကင်နဲ့ မနီးတဲ့အခါ

ငှက်ကလေး စ်ိတ်ဓာတ်ကျသတဲ့ 

သူဆွဲလိုက်တဲ့ဖဲက ရ ထားတဲ့အပွင့်ကလေးကို ဆုံးရှုံးစေသတဲ့ 

ငှက်ကလေးဟာ လောကဓံအကြောင်း သိလွန်းလှပေါ့

အမွှေးအတောင် မစုံခင်ကတည်းက 

ဒုက္ခကို သိခဲ့ပါတယ်တဲ့

ငှက်ကလေးဟာ 

ဝမ်းနည်းလွန်းရင် 

မငိုပဲ ဘယ်နေပါ့မလဲ 

ငှက်ကလေးက ပစ္စုပ္ဗန်ကနေ ပြေးချင်တယ်

ဒါကြောင့်ပဲ 

လေယာဉ်ပျံကြီးနဲ့အတူ

ပျံသန်းခဲ့ရပါတယ်တဲ့

လွမ်းတေးချို 

8:36 PM

August 12, 2018